Klubetan euskararekin loturiko bizipenek badute historiatik eta identitatetik, baita orainalditik eta etorkizunetik ere. Bizipen horiek badute lotura jai eta talde ospakizunekin, baina baita egunerokoan pertsonen arteko komunikazioan sortzen diren tentsio eta tirabirekin ere.
Azkenik, bizipen horiek badute isla norbanakoaren mailan, eta hor, (euskararen erabileran) sentitutako lotsa, deserosotasuna, erresistentziak eta muga pertsonalak agertzen dira.
Euskara Kirolkide egitasmoa D ereduko kirola izeneko proiektuaren jarraipena da. Era berean, harremanetan dago azken urteotan gazteak eta euskara binomioaren inguruan garatu diren eta garatzen ari diren bestelako ikerketekin, esate baterako, Gazteak euskararen eszenatokian lanarekin. Euskara Kirolkidek zehazki “Eraldaketa soziolinguistikoko prozesuak euskal testuinguruan: hiztunak, praktikak eta agentzia (EquiLing-Basq)” izeneko proiektuarekin du lotura zuzena, webgune hau horren babesean egin delarik (ERREF.: PID2019-105676RB-C42 / AEI / 10.13039/501100011033).
Gazteak eta euskarari buruz garatutako eta garatzen ari diren egitasmoen inguruan informazio gehiago nahi izanez gero, jo: kluster@soziolinguistika.eus. Zehazki D ereduko kirola eta Euskara Kirolkide proiektutako ikerketa antropologikoei buruz gehiago jakin nahi izanez gero, jo: jm.hernandez@ehu.eus. Webgune honi buruzko argibideak lortzeko, jo: kirolkidewebgunea@gmail.com-era.
© 2022 Soziolinguistika Klusterra